注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

尛鮃耔

IF I WANT , I CAN!!!

 
 
 

日志

 
 
 
 

濒临灭绝嘅粤语童谣  

2010-05-12 10:32:43|  分类: 休闲搞笑 |  标签: |举报 |字号 订阅

  下载LOFTER 我的照片书  |
1.地上执到宝,问天问地攞唔到  
2.大笨象,揸支枪,去打仗,打完仗,翻来食碗辣椒酱,辣死大笨象  
3.小明为咗爱情,冲入电视城,杀咗郭富城,食咗ABCD感冒灵,爱上咗陈松玲  
4.小明放督屁,臭天又臭地,臭到意大利.臭到意大利D人都无定lei  
5.肥佬肥腾腾,买旧猪肉去拜神,行下行下屎忽痕,飞上天棚打敌人,打到条裤变左条裙。  
6.跟人尾,食人屁,做人妹仔放臭屁。  
7.丑丑丑,丑甩耳仔送烧酒。  
8.千金小姐万金油,请你嫁个湖南头!  
9.岳母见女婿!口水爹爹渧  
9.话卑老师知,话你偷荔枝,荔支未熟,话你中毒,医生话你无得医~话你变僵尸~ 
10.打开蚊帐,打开蚊帐,有只蚊,有只蚊,快啲攞把扇嚟,快啲攞把扇嚟,拍走佢,拍走佢。    
11.1234567,肥婆跳舞跳第一 跳得高,裤头邋,跳得矮,唔好睇  
12.食野唔做野,做野打烂野  
13.落雨大水浸街,阿妈担柴上街卖.(卖得几多钱呀)  
14.河边有只羊,河边有只象,河边有只马骝仔,好似你咁样!    
15.边个话我傻傻傻.我请佢食烧鹅.  
16.餐餐食猪骨,好过卑人屈  
17.叽叽喳喳食蔗渣  
18.菊花菊花问你几时开花,听日唔开后日开朵大菊花~  
19.天马流星拳,送你入黄泉,庐山升龙霸,你个瓜窿大爆炸  
(补:星云锁链,打到你唔记得拉裤链,哈哈.)  
20.牛公蒸鸡,蒸左自己鸡,走出天街栋高箩柚晒,晒到烂晒,无药卖  
21.啊妈话稍牙好,稍牙点解好,稍牙可以刨西瓜,落雨可以遮下趴,饮茶可以隔茶渣,仆街可以产泥沙,劈油 可以挡两下!  
22.样衰衰,比狗追  
23.握握手,做个好朋友!  
24.着鞋吾着袜,打出大碌七  
25.大姑丈,撞埋墙,大姑母,水瓜布,  
26.男人头,女屎忽,揸支红旗认第一~
27.米出米入,入亲无眼核
28.xx嗰頭 大過5層樓 xx只手 細過荷蘭豆 xx嗰pp生痘痘  
1)落雨大  
落雨大,水浸街,阿哥担柴上街卖,阿嫂出街着花鞋,花鞋花袜花腰带,珍珠蝴蝶两边排.排排都有十二粒,粒粒都係解放牌.  
2)排排坐  
排排坐,吃果果,猫衣担凳比姑婆坐,坐烂个屎忽,唔好赖我,赖番隔离个二叔婆  
3)捉大贼  
点指兵兵,点着谁人做大兵,点指贼贼,点着谁人做大贼.  
4)跳橡筋  
董存瑞,十八岁,为国牺牲炸堡垒,炸到堡垒咯咯脆,全国人民流眼泪.  
5)月光光  
月光光,照地堂,虾崽你乖乖瞓落床  
听朝阿妈要捕鱼虾啰,阿爷看牛要上山坡  
哦哦哦.
阿崽你快高长大啰 帮手阿爷去看牛羊  
哦哦哦.   
月光光,照地堂,虾崽你乖乖瞓落床  
听朝阿妈要捕鱼虾啰! 阿嫲织网要织到天光  
哦哦哦
虾崽你快高长大啰 撑艇撒网就更在行  
哦哦哦. 
6)点虫虫  
点虫虫,虫虫飞,飞到荔枝基,荔枝熟,摘满屋,屋满红,陪住个细蚊公.  
7)氹氹转  
氹氹转,菊花圆,炒米饼,糯米团,五月初五龍舟節呢,阿妈叫我睇龙船,我唔去睇,硪睇鸡仔,  
鸡仔大,摞去卖,卖得几多钱?卖得三百六十五个仙.  
8)猜呈沉  
呈沉剪,呈沉包,呈沉糯米叉烧包.老鼠唔食香口胶,要食豆沙包.  
9)骑牛牛  
骑牛牛,牛牛走,牛牛响前咪回头,若然回头就打箩柚.  
10)掟砖头  
掟砖头,斗大够,一掟掟到西门口,溅起浪花抛浪头.  
11)劈友  
劈友,劈友,快啲走,走得快,好世界,走得磨,无鼻哥.  
12)咕碌咕碌  
纸皮纸皮打纸皮,上上下下左左右右前前后后,咕碌咕碌一,咕碌咕碌二,咕碌咕碌三,准备开炮打敌人!  
13)拍大骳  
拍大骳,唱山歌,人人话我无老婆,嘀起心肝娶返个,有钱娶个娇娇女,  
无钱娶个豆皮婆,豆皮婆,食饭食得多,屙屎屙两箩,屙尿冲大海,屙屁打铜锣.  
14)暧姑乖  
嗳姑乖 ,嗳姑乖 ,嗳大阿姑乖要嫁后街.后街有啲乜嘢卖, 有啲鲜鱼鲜肉卖  
重有鲜花戴 ,戴唔哂,落床头畀老鼠拉 ,拉去边 ,拉去大新街.  
15)鸡公仔  
鸡公仔,尾弯弯,做人新抱甚艰难!早早起身都话晏,眼泪唔乾入下间,  
下间有个冬瓜仔,问安人老爷煮定蒸,  
安人又话煮,老爷又话蒸,蒸蒸煮煮唔中安人老爷意,  
大把拉盐又话淡,手甲挑盐又话鹹,三朝打烂三条夹木棍,四朝跪烂四条裙!  
咁好花裙畀你跪烂,咁好石头畀你跪崩!横又难,直又难,不如舍命落阴间!  
人话阴间条路好,我话阴间条路好艰难!  
16)大食懒  
大食懒,起身晏;洗冷水,食冷饭.  
17)收买佬  
收买烂铜烂铁,收买旧报纸 ,收买烂铜烂铁,收买旧报纸  
旧报纸呀堆满屋,旧仔呀摆满厅,旧衬衫呀塞满房,问阿妈呀点算好  
旧也好 新也好.旧与新都可变宝.卖了它即可变钱.若要钱搵收卖佬  
收卖佬天天上路,没理风吹兼雨打 ,一买一收一世乐,旧也好呀新也好  
卖了旧报纸买噹噹糖,卖了旧仔买甘草榄,收买佬天天上路,旧也好他都当宝  
18)阿公公  
阿公仔,须扒扒,你饮酒,我饮茶,茶苦唔好食,酒醉唔好饮,我们快去外面玩泥沙.  
20)斩料,斩料,斩嚿大叉烧.油鸡卤味样样都要,斩嚿大叉烧,哗!  
21)打开蚊帐打开蚊帐,有只蚊,有只蚊,快啲罗个拍来,快啲攞个拍来,拍晕佢、拍晕佢.  
22)一只竹仔易折弯,几只竹仔欲折难,孤掌莫欺倚.团结方可有力量.嘿! 大众合作不分散,千钧一发亦当闲,群策群力无猜忌,一期都好顺利,好.  
23)大西瓜、多好啊,个个都像吃,大家分、切开它,味道顶呱呱,唔小心、吞左啦,  
圆圆几粒啊哎呀呀,问妈妈、点算啊,头顶长西瓜!妈妈、笑住话,* 
从春天、到冬天,时时有西瓜.  
豬頭丙,扮老醒,其實唔值個鬥擰  
以為佢好醒,原來系個豬頭丙;  
以為佢好Fit,原來系個大水瀄  
2、做个勇敢中国难民,吃错奶粉打错人,我为你牺牲你为我抽筋,终于瓜老衬!  
3、又喊又笑  
乌蝇打叫  
禽佬濑尿  
老鼠行桥  
行到西门口  
比人打罗友  
.(最后一句比较粗俗,就算了)  
4、荷裡活有間大酒店...有三個肥婆學踢波..學踢波
你又踢 佢又踢 卒之就踢咗落河
你想執番嗰波 硪幫你執嗰波吖
硪飚落去水 雙手攬住嗰波
fang上去水面等佢捉住嗰波
佢嗰心想話接住點知佢差錯腳落河
硪忙救佢命 驚佢又軋死硪
搵多兩個肥婆合力去拖 點知又救醒咗
你地玩咩波玩咩波
應該要小心啵  
5,何家公鸡何家猜:  
真怪诞呀又有趣,阿望望公园里,有四百只公鷄 咯咯咯,是何家都不知道,  
何家公鸡何家猜 ,何家小鸡何家猜,何家公鸡何家 猜,何家母雞咯,咯,咯  
猴子哥哥 熊先生 松鼠妹妹 牛叔叔 黃狗爸爸 羊媽媽 來猜來猜落  
6,齊齊望過去:  
齊齊望過去清溪里有只青蛙想跳水,齊齊望過去山窿里有只獅子竟飲醉.
  评论这张
 
阅读(19)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017